港股昨天來一個V形反彈，恒指先高開51點，升上21,067點後慢慢下跌，下午插至20,596點後來個急彈，升至21,042點高位收市，升136 點，高低位相差近500點。現貨收市後期指再抽，收報21,160點，升287點，比現貨高水118點，成交75,460張。國企指數倒升14點，報 11,453點，大市成交493億元。
昨日大市反彈應該和油價急跌有關，日股收市時仍跌1.8%，令港股午後再插，但颶風古斯托夫登陸美國後迅速減弱，油公司估計可以很快恢復在墨西哥灣採油， 油價早市已插了一段，下午再急插，期油跌到105美元一桶，最高跌10美元，跌到5個月的低位，油價急跌令美元再彈，昨日港股收市前後，杜指期貨由早前跌 22點，反彈到升77點，亦帶住港股止跌回升。
油價急插股市回穩
下午港股開始由低位抽上時，出市經紀開頭唔知升乜，見到恒地（012）主席李兆基出席旗下美麗華酒店（071）股東會後講№，就問係唔係四叔開口唱高鰦個 市。李四叔昨日既評大市，又評碧桂園（2007），佢話目前恒指跌至21,000點，已經相當吸引，雖然港股因美國「兩房」陰影及內地宏調因素影響下回 落，但由於內地經濟增長依然強勁，因此預計下半年恒指可重上23,000點。而美股在下半年會上番12,000點至13,000點咁話。
不過四叔說到碧桂園（2007）就無晒表情，佢現時持貨量很多，已經「飽晒」及「蝕得很慘」，因此不會加碼吸納碧桂園。
無論李四叔睇市準唔準，他肯向傳媒交代的精神的確值得一讚，好多人買股輸鰦，會無眼睇，當無事發生。但李四叔當日推介過碧桂園，今日仍然願意話俾大家聽他 都「蝕得很慘」，即係同大家一齊坐艇，無計。可能因為四叔話買碧桂園買到「飽晒」，暗示隻股短期難望好轉，令碧桂園股東無晒表情，昨日股價再跌3.2%， 收3.39元，若散戶摸頂在14.18元入碧桂園，計落都好傷。
李四叔睇後偏向樂觀，信唔信見仁見智，大家投資要自己用腦，最緊要量力而為，李四叔係大富豪，買股票時機唔飱，可以坐貨長獱，普通散戶若借錢買股，唔好話再大跌，震一震都震死你。
可能咁飱得咁橋，四叔話完自己買股買到飽晒，又話睇23,000點，個市就反彈，連四叔自己隻龍頭股恒基地產亦升上47.7元，升鰦2%。
國貨航空股勁彈
不過中環茶友話，大市從低位反彈，理由可能簡單到無大戶要在月頭插低恒指，外資大戶怕做鰦淡倉俾阿爺出招救市夾死，所以重招按兵不動，既然無大沽壓，個市就隨大圍波動，油價咁跌，股市都會好番少少。
你睇石油、石化和航空就知，油價急挫，中海油（883）急跌5.2%，有部份煉油業務中石油（857）升0.7%，主要做煉油的中石化（386）更升 3.2%。航空股亦受惠，國泰航空（293）升3.5%、國航（753）大升8.7%、南航（1055）升9.5%、東航（670）升7.5%。
依家鱓股份一遇到基金減持，好易失重下墜，鄧普頓資產管理申報於8月27日，減持中國鋁業784萬股，每股平均價7.158元，持股量由14.1%降至 13.9%。該股昨日收報6.9元，跌2.8%，成交2.1億元。早前宣佈半年少賺9%的哈動（1133），又俾基金沽貨，昨日再挫8.9%，收8.1 元。
依家世界各國政府紛紛救市，為挽救正下滑中的樓市，英國政府財政部宣佈，樓價17.5萬英鎊的樓宇成交，將免收印花稅，以上措施將從9月3日起實施，為期一年，以免因經濟大幅放緩，衝擊住屋市場。英國樓市咁樣，英鎊都好難強啦，昨日就跌到1.7847美元的低位。
陸羽仁
轉載自: 頭條網
沒有留言:
發佈留言