奧運曲終人散，正式閉幕，股民注意力又由電視機轉番去大利是機，上個星期五因為「鸚鵡」訪港無開市，避過了原先估計的跌市，跟住上周美股高收，帶動了恒指 一開市就造好，高開347點，由20,739點升至21,108點，下午內地股市回順，恒指則高位徘徊，收報21,104點，大升712點；國企指數升 407點，報11,324點，大市成交只有556億元。期指收報21,190，升809點，比現貨高水86點，成交104,801張。
雖然港股炒反彈，但內地股市只係牛皮，全日升幅收窄，滬綜指報收2,413點，漲8點或0.3%，深成指報收8,065點，跌36點或0.5%，兩市成交額共計405億元人民幣，淡靜程度仲差過香港，若然內地股市維持呆滯，照計港股炒後奧運概念都不會好耐。
藍籌股上周被輪流推低，繼中移動（941）同港交所（388）被質穿一百元大關後，上星期淡友又攻長和系，長江（001）百元大關展開攻防戰，終於保住紅 底收市，昨日股價進一步反彈3.7%，另外，礇控（005）借住在韓國收購進展良好的消息，股價升3.1%，指數跌到強勢股，似乎開始出現短期支持。
博管理層睇番股市
大市昨日反彈幅度比較大，主要係借住美股上星期尾扯高，同憧憬內地「管理層」搞完奧運後，可以集中精神睇番個市同經濟，炒其後奧運概念。
中國舉辦奧運成功，全世界為之矚目，內地「管理層」對應這個情況，相信又會開展與國際之間另一輪發展，所以閉幕儀式剛舉行，國家主席胡錦濤馬不停蹄，前往 南韓首都首爾，開始對南韓進行為期兩天的國事訪問，預計此行焦點將在雙邊貿易和北韓無核化問題上，期間胡總將分別同南韓總統李明博及總理韓升洙等舉行會 談，雙方預計將簽署節能、科技、經貿、教育、世博會等領域的多項合作文件，在這種氣氛下，港股借住外圍形勢出現強力反彈。
中環茶友話，上個星期美資大行整個報告出來，話管理層會擲二至四千億元銀彈谷高經濟，消息一出個市立即彈了六百幾點，睇到有部份外資平了手頭淡倉，不排除 外資大戶見到奧運完結，有關中央經濟措施的消息會增加番，於是先平一平淡倉食胡，昨日的回升，性質可能都係呢種食胡式反彈，按照呢個分析，如果外圍無大鑊 №爆出鈬，短期大市會穩定番鱓。
中環茶友話，個市經過一輪急插後，開始進入方向模糊階段，即係究竟個市升定跌，市場開始分歧，原因係大家都覺得經濟前景好極有限，衰退或滯脹威脅嚴重，但 同一時間，股市跌幅亦有番咁上下，壞消息逐步反映，技術上大市已經進入非常超賣，買賣雙方力量開始均衡，這個時候無論好友定淡友，都對後市方向信心不大， 形成不敢追沽或追入，在觀望氣氛濃厚下，個市成交轉靜，照正路波後市波幅應該收窄，等待消息決定去向，股民暫時細細注炒下波幅無所謂。
炒出炒入好易暈
大市觀望氣氛主導，任何消息都變成可好可淡，好似上星期傳投行雷曼要賣盤，華爾街當係好消息炒，茶友話，雷曼今年常被負面消息纏擾，現在傳出話賣盤，市場 可以理解為有人願意入股，代表對後市有信心；但亦以代表雷曼終於都頂唔順，要找人注資，即係話仲可能有壞消息陸續爆出來，係咁鮋環境下，不但散戶被人玩到 頭都暈，就算係炒家，炒出炒入，都一樣難玩，係咁狀況下，減少注碼係正常做法，亦係咁令到大市成交好少，指數波幅亦因此擴大。
鰠升市下，上個星期掛牌欲升乏力的南車集團（1766）本港上市，惜表現未如理想，僅較招股價升約1%，昨日終於升番近一成，報收2.89元，上星期未沽貨者等多兩日食胡，都叫做賺番餐。
本來南車上市，外面睇得幾好，認為可以帶動新股熱潮，結果雖然南車A股首日掛牌升七成幾，但到香港掛牌就生不逢時，市場傳現在仍有20隻新股計劃於短期內 上市，合共集資超過400億元，包括中國高精密自動化將率先於下周四起公開招股，爭取先吸納中國南車解凍資金，總計下月續有9隻新股招股，雖然條數係咁 計，但如果好似南車咁有號召力的股份都係僅僅熟，其他新股想成功上市，都只係五五波而已。
陸羽仁
轉載自: 頭條網
沒有留言:
發佈留言