港股跌之不完，美股杜指上日大跌180點，恒指昨日上午開市都好似唔係跌好多，低開255點後一度反彈上20,903點，差不多接近無跌，但下午就一步步 插低，跌至全日低位20,484點收市，跌446點；期指收報20,355，跌544點，比現貨低水129點，成交72,159張。國企指數跌251點， 報10,714點，大市成交僅484億元；
港股昨日上午無乜跌，還給人差不多到底的假象，點知下午就如坐滑梯咁向下滑，現貨收完期指都繼續跌。昨日亞洲外圍唔算太差，日股早段已跌，最後跌 2.4%，新加坡股市跌1.8%，但中國股市經過周一急挫後反彈，上證綜指報收2,344點，升1.1%，不過港股不為所動，一樣照跌。
昨日礇控（005）在除息前跌1.8%，中移動（941）跌1.4%，兩隻巨股跌幅都少過恒指，但地產股跌得厲害，長實（001）挫4.3%；新地 （016）挫4.7%；恆地（012）跌4%；信置（083）挫5.3%；新世界發展（017）跌4.2%；物業代理美聯（1200）挫4.82%。當中 信置收12.5元，新世界收11.4元，已連創一年新低。
地產股未跌完
中環茶友話，而家股市係典型熊市，股票一個類別一個類別咁跌，昨日跌到地產股，咁鮋市道的確無辦法賣樓，地產股亦跌得有道理。但往後仲未跌完，因為好多強股離底尚遠，小心強股都反覆向下。即使講本地地產股，好多大股仍有下跌空間也。
今個星期係港股「8.17」大奇蹟日一周年，股市勁插過千點後單日轉向，跟住大漲小回升上三萬點，呢個奇蹟令到好多股民在今次跌市中不斷接貨，期望可以再 「低撈」執水，茶友識得一個股市老兵，自言經歷大奇蹟日一周年，投資仍有十個、八個巴仙進帳，經歷大市一上一落原地踏步，先至敢話自己暫時跑贏鰦大市，呢 位老兵係大奇蹟日對升市半信半疑，差不多到指數升到兩萬七千點先追入，到個市升上三萬點後回落，就不斷減磅，老兵話，「8.17」話明係奇蹟，即係反常市 況啦，可惜係好多人忘記鰦，以為跌市都可以撈貨，結果被綁收場，他就一直認為自己係廚房偷食的老鼠，驚驚青青，亦無期望奇蹟再次發生，最後先至執番一身 彩。
茶友話，唔好用牛市的眼光去睇熊市，牛市中的大調整和熊市中的跌市，雖然都係跌，但跌法好唔同，牛市的大趨勢向上，大調整時亦有好大反彈力，跌得深那天就 來一個V形反彈。但用同一思維去睇而家股市，以為跌得多就會有V型反彈，恐怕你會失望，今次陰陰跌下來創新低，既無急跌，自然無急彈，唔係話個市唔會彈， 跌得多都應該彈纒才再跌，但唔似有1,000點、2,000點那種反彈。呢個熊市食人一啖啖食，開始食你隻手，你唔走咬埋隻腳，再唔走咬住個頭，都幾恐 怖。
目前對港股最不利的因素其實係美股，美股雖然跌鰦鱓，但杜指上一日仍在11,479點，係在呢次反彈的近高位，仍然未跌，若美股反彈浪結束，再向下尋底， 你估到時港股升定跌？千祈唔好以為港股後段無跟美股彈，到美股跌時港股會彈，恐怕美股跌時，港股仍然是向下而唔係向上。
老外沽貨未夠喉
茶友又話，外資仍然係沽港股、沽內地股為主，並未平倉離場，即係未食夠，好似最近內地炒電力股反彈，都有鱓錢游來香港買貨，但老外見電力股彈又走去沽，而唔係買，可見老外未食夠。
中國財險（2328）公布中期業績要蝕，股價大插5.7%，收報3.8元，慢慢回到未升時。財險公佈，截至今年6月底止中期業績，淨虧損2.9億元（人民 幣，下同），每股虧損2.6分，不派息；而去年同期錄得純利32億元。期內營業額升19%至589億元，即係生意做多鰦，卻要蝕錢。
財險蝕錢因為成本大增，收入大減，特別是投資淨收益只有6.7億元，較07年上半年的28億元大幅減少76%，主要是今年上半年中國A股市場不振，以及投 資淨收益大幅減少。但集團開支大增上半年一般行政及管理費用按年增長27.5%，主要承保環節的費用支出增加，以及加大了廣告和宣傳費用支出所致。
財險係第一隻見紅的紅色股，雖然佢在保險公司中唔算大間，但都唔算細公司，可以預見，經營環境惡化後，小心還有其他公司見紅。
陸羽仁
轉載自: 頭條網
沒有留言:
發佈留言