黃金和商品在上周五再急插，金價跌穿800美元大關，在紐約市最低跌到777.7美元，最後收792.1美元，全個星期跌8.4%，是1983年以來最大的一星期跌幅，商品市場的動盪可想而知。
九月期油上周五再插，最低跌到111.34美元一桶，跌3.2%，收市報113.77美元。油價從7月11日的高位147.27美元回落至今，已跌了 23%。追藮19隻商品價格的CRB指數上周五再跌2.7%，跌到379，是今年3月20日以來低位，當中以白銀、粟米和小麥跌得最厲害。近期商品下跌， 美元上升，商品急插後到上周初曾有一浪反彈，但彈升無耐又再急插兼創低位，顯示商品短期還未找到支持位，香港的金、銀、銅、鐵股在上周四一浪反彈，亦好快 玩完。
美元反彈油價回落，有利美國消費股，杜指上周五漲43點，升幅0.4%，升到11659點，不過杜指未能升穿呢次反彈浪的高位，但標普500指數已升穿高位。
金價大插商品又跌
美股在高位徘徊，但唔見得益到港股，港股走勢積弱，上周五雖然外圍股市上升，但恒指一度跌穿21000點，低見20995點，收報21160點，跌232 點。恒指近期不是急跌，而是陰陰跌，一個個行業咁跌，插纒金、銀、銅、鐵股，插纒中移動（941），插纒內銀股，插一個行業就一個行業重傷，好有基金洗倉 出貨的味道。睇睇纒好多股票近期都創一年新低價，有部份更跌到兩年低位，唔覺唔覺，呢兩年牛市升幅就消耗淨盡。
回顧今次大牛市的起源，近一點由06年初起計，恒指由15,000點起步，第一年升了5,000點，不過狂牛真正發力，卻在07年，年初恒指仍在 20,000點，到10月在港股直通車的消息推動下，升上近32,000點的高位，跟住反覆下跌，如今跌到21,000點邊，接近回到07年年頭的兩年起 步點，過去兩年，就好似發鰦場夢一樣。
近日睇番股票價錢，好多都回到兩年前，甚至衰過兩年前，現時是弱股先跌，強股追跌。先睇紅籌，老牌紅籌中旅（308），收1.77元，行業無乜特別受高油 價影響，去年高位6元，現價1.77元已經比07年初時2.6元低好多，中旅股價已經去到06年升市開始的價錢，亦接近04年的起步價錢，可說是完全打回 原形。另一隻老牌紅籌粵海（270），現價2.77元，同樣低過07年頭的價位3.6元，去番06年未升前的價位，同樣打回原形。
內銀股業績前偷步跌
傳 統紅籌特弱，所以搶先反映跌市。又睇纒內銀股，當中的弱股中國銀行（3988），上周五收3.33元，07年初因為國壽上A股炒高晒鱓紅色股，中行當時已 炒到4.5元，現價比07年初跌了27%。中行在06年6月上市，上市價2.95元，現價只比上市價高13%，都好接近上市價了。中行是內銀股中的弱股， 亦率先回到未升時。工商銀行（1398）上周五收5.2元，和07年初的價錢相若，工行在06年10月上市，上市價3.07元，之後兩個幾月抽升到5元樓 上，如今回到07年初，但工行強過中行，所以距離上市價還有一定水位。內銀行就快公布業績，最驚佢地借勢落，因為內地樓市急跌，銀行壞帳難免上升，再加上 出口放緩，商業信貸亦有壓力，最近有少少搶先沽內銀股的味道。
新上市股份都係內房股最弱，曾經熱炒的碧桂園（2007），上周五跌到3.76元，佢在07年4月上市，上市價5.38元，現價比上市價低30%，都唔好 講最高價14.1元了，如果買鰦碧桂園無沽過，所有人都要輸錢。另外睇纒上市早鱓的世茂房地產（813），上周五收7.83元，比07年初的高位15元， 唔見一大截，世房在06年7月以6.25元招股上市，而家距離招股價都唔係太遠。
亦可以睇睇兩巨股中移動（941）和礇控（005）兩年表現，中移動上周五收93.45元，回看07年頭，中移動股價75元，呢兩年升鰦唔少，在跌市中股 價亦企得較硬，但近期跌勢轉急，在呢個月頭，中移動股價由105元急插而下，明顯見到有大倉減持，但已經算係強股中的強股，股價仍然比07年頭顯著地高。 礇控是港人最愛，也是港人最痛，上周五收報124.5元，但在07年頭股價高達145元，不計派息唔見了14%，水瓜打狗唔見一截，礇控若無投資美國，就 唔會咁衰；但話番轉頭，佢亦叻過美國銀行股，那些股份股價閒閒地唔見一半有多。
亞洲下滑累番美國
跌到而家你問我點睇，我會話熊市未完，未敢樂觀。股市上升時乜№概念都可以炒，股市下跌時乜都無得炒，會講番基本因素。全世界最大的基本因素係美國經濟， 股市跑前經濟三個月至半年，若看到美國經濟有見底跡象，股市就會搶先見底。今年5月美股第一季業績出完，曾經一度出現見到隧道盡頭有亮光的感覺，那時信貸 鬆番鱓，令人憧憬最壞的情況已過，美股杜指一度炒番上13,000點，之後再狠狠回落，信貸再縮，證明了當日見到的只是假象。
如今經濟基本面有兩股勢力，美元反彈、油價商品回落，令人憧憬通脹會見頂回落，係一股勢力，支持美股在反彈浪頂徘徊，由於美元反彈令資金回流美國，可以說 是短期內美股最好的時候。但另一股勢力是美國衰退影響到歐洲和亞洲的開始衰退，歐洲和亞洲過去5年經濟回升的黃金期逐漸遠去，經濟開始回落，勢將在股市進 一步反映出來。所以即使唔理炒作因素，只看基本面，都會看到美國反彈、歐亞再挫的圖畫。不過歐亞衰退，特別亞洲衰退，又會在下階段倒過頭來影響美國，因為 美國本土經濟唔好，好多美國巨企靠亞洲及其他新興市場的收入來頂，令盈利不致大倒退，到亞洲都衰埋之後，美國公司在亞洲區收入亦會下滑，令績優股盈利都頂 唔順要倒退，就會造成美股下一浪下跌的動力。
在熊市當中，股票一浪一浪咁跌，一個一個組別咁跌，通常先跌弱股、弱組別，慢慢跌到強股、強組別，最近中移動的跌勢令人驚覺，連強股都守唔住了。
小心強股要下插
股市下插時，好多喜歡長線投資的朋友都問買乜股好，例如問起內銀股，我會答話招商銀行較好，但係價錢較貴，我有時好怕答呢鱓問題，因為唔知讀者、網友睇完會唔會馬上買，因為你月供招行無乜問題，但如果現價一注鲻身去買，就真係有風險。
招行係最商業化的內地銀行，雖然規模唔夠大，但因為管理方法較接近外國銀行，所以最為外資喜愛。但你睇招行現價24.45元，約5倍PB（市價對資產值比 率），價錢仍然非常之高，相對於好多國際第一流大銀行的1倍幾、2倍PB，招行現價貴得厲害，溢價很高。招行在06年9月在港上市，發行價8.55元，現 價仍有近上市價3倍，雖然招行高位升到40元樓上，但由於是強股，跌得唔算多。
以過去經驗，熊市一浪浪跌，跌到深時就開始跌到強股，要睇今次熊市會唔會好快到底，若熊市短期內到底，招行仲撐得住，若熊市還要跌一段時間，招行也難逃一劫，而且下跌空間不少。所以即使係投資者，千萬不要現在鲻身一大注去買這些未跌夠的強股。
熊市步步深化，好多股票過去兩年、甚至3、4年的升幅都會被慢慢吃掉，現時港股是慢跌而非急跌走勢，令人警覺性下降，殺傷力更大，好多股票唔覺唔覺就打回 原形。陸羽仁話，在牛市中，順勢而買，不但短炒要買，長獱者也要趁每次回落買№。但在熊市中時，策略完全唔同，「投資的我」唔好咁急買，要等到個市跌到 殘，跌到靜，熊市走到盡頭，見到有少少勢回升，牛市似開始之際，才好去買，寧願買貴少少，唔好過早去撈。「投機的我」在熊市中就可以炒上落波浪，在反彈時 獱，彈夠要沽，無論獱沽，食到咁上下要走，好多時沽易賺過獱也。
陸羽仁
轉載自: 頭條網
沒有留言:
發佈留言