恒指昨日高開10點後反覆，好快彈上21,453點後就開始回吐，下午初段再插至21,109點，但尾市再回升，收報21,392點，升99點；期指收報 21,337點，升134點，比現貨低水55點，成交72,708張。國企指數升140點，報11,251點，大市成交611.5億元。
早兩日大市都係上午升，下午插，到昨日下午再插時，散戶以為歷史又重演，追住入去沽，點知插到21,100點邊又回頭升番近300點，結果又殺一班老散，個市相當古惑。
昨日好多跌得甘的紅色股都大反彈，例如連日下挫的中移動（941） 就彈2.2%，反而早前好硬淨的礇控（005）就跌1%。不過內地股市就上升乏力，上證綜指收報2,437點，跌0.4%。
金屬股反彈未轉勢
早前跌得勁的金銀銅鐵股，昨日跟隨金屬價格回升，出現似樣少少的反彈，金礦股紫金（2899）急彈15%、招金（1818）升2.2%；其他金屬股如中鋁（2600）反彈7%、江銅（358）升7%、鞍鋼（347）升10%、湖南有色（2626）升7%。
資源股亦反彈，連日下挫的煤炭股神華（1088）升6%，中煤（1898）升5%，恆鼎（1393）升8%。國際期油價格回升，中海油（883）亦借勢急升7.5%。
不過獱住呢鱓金屬股、資源股的朋友要明白，佢懐之前跌到阿媽都唔認得，而家係超跌反彈，唔係轉勢回升。舉個例隻江銅，昨日股價急彈6.7%，但其實公司無 乜好消息，外電更引述江西銅業董事會秘書潘其方表示，江西省政府有關部門，已要求江銅在電力緊缺期間，要降低電力的消耗，因此江銅將於8月份削減半製成品 的產量20至30%。江銅減產難免影響收入，但股份跟大圍反彈，又唔係好理這個壞消息。
又例如航運相關股亦大反彈，中海集運（2866）升6.7%，中海發展（1138）升8%，廣船（317）亦升8.9%。但中環茶友話，超跌股反彈只係大 戶「軃倉」，航運業其實充斥覑壞消息，反映運費的波羅的海乾貨指數連跌23日，是05年第三季以來最差的下跌，高盛估計明年指數會再跌40%，後年進一步 跌47%，因為大量新船下水和環球經濟放緩，將會進入轉統航運業的下跌周期中。
陸羽仁昨日去銀行，見到一班師奶對住股票機唉聲歎氣，其中一個師奶話在11元高位買鰦隻中海集運，而家唔見鰦八成幾，輸到阿媽都唔認得，跌到5元溝淡買鰦一轉，上日跌到1.93元，昨日反彈上番2元樓上，佢相信都見底啦，決定再溝多一轉。
唔知邊個話俾呢位師奶聽航運股會見底，佢懐可能無想過航運股走入下跌周期後，可以跌幾耐，跌到幾殘。呢位師奶11元入貨早應該止蝕離場，佢不但唔離場，仲 溝完再溝，愈買愈多，佢唔知散戶溝淡，愈溝愈淡。如果知道航運股未跌完，應該趁反彈減倉或清貨，至多唔買唔賣，唔係溝淡。有句話叫「在那裏跌倒，就要在那 裏爬番起身」，呢句話在股市唔飱用，在股中裏，「在那裏跌倒，以後千祈唔好再去那裏」，輸鰦錢要斬手走人，唔係成個身鲻埋落去加注。
港交所彈完要再跌
中環茶友話，觀察師奶的行為，成日以為見底想去撈底，就知道呢個熊市未見底，好殘忍咁講，而殺清晒呢鱓散戶，無人敢再去買股時，才是見底的時候。
港交所（388）公佈中期業績後，大行對港交所意見分歧，目標價由90元至137.8元。瑞信給予港交所目標價90元，評為跑輸大市，因為港交所未來3年 每股收益將會持續下跌，加上全球股市市盈率下跌，因此不利港交所股價。另一個極端係花旗，給予港交所買入評級，目標價137.8元，以反映該行預期今年平 均每個交易日成交額約600億至700億元。該行表示，雖然金融市場環境轉趨惡化，但佢認為香港預託證券（HDR）、牛熊證及黃金期貨等新產品，可抵消對 該股的不利影響。
港交所昨日曾插穿100元，低見97.65元，後來反彈至101元收市。陸羽仁睇得較淡，認為港交所彈完要再跌，瑞信的目標價90元都俾多鰦佢，若大市持 續向下，股市成交會再縮，港交所全年盈利勢將下跌，以90元及去年盈利計都有15.5倍PE，今年盈利一跌PE更高，咁樣點撐呀？
陸羽仁
轉載自: 頭條網
沒有留言:
發佈留言